శ్రీ వేంకటేశ ద్వాదశ నామ స్తోత్రం(15)
అస్య శ్రీ వేంకటేశ ద్వాదశనామ స్తోత్ర మహామంత్రస్య బ్రహ్మా ఋషిః అనుష్టుప్ ఛందః శ్రీ వేంకటేశ్వరో దేవతా ఇష్టార్థే వినియోగః |
నారాయణో జగన్నాథో వారిజాసనవందితః |
స్వామిపుష్కరిణీవాసీ శంఖచక్రగదాధరః ॥1 ॥
పీతాంబరధరో దేవో గరుడాసనశోభితః |కందర్పకోటిలావణ్యః కమలాయతలోచనః || 2||
ఇందిరాపతిగోవిందః చంద్రసూర్యప్రభాకరః |
విశ్వాత్మా విశ్వలోకేశో జయ శ్రీవేంకటేశ్వరః || ౩ ||
ఏతద్ద్వాదశనామాని త్రిసంధ్యం యః పఠేన్నరః |
దారిద్ర్యదుఃఖనిర్ముక్తో ధనధాన్యసమృద్ధిమాన్ || 4||
జనవశ్యం రాజవశ్యం సర్వకామార్థసిద్ధిదమ్ |
దివ్యతేజః సమాప్నోతి దీర్ఘమాయుశ్చ విందతి || 5 ||
గ్రహరోగాదినాశం చ కామితార్థఫలప్రదమ్ |
ఇహ జన్మని సౌఖ్యం చ విష్ణుసాయుజ్యమాప్నుయాత్ || 6 ||
ఇతి బ్రహ్మాండపురాణే బ్రహ్మనారదసంవాదే శ్రీ వేంకటేశ ద్వాదశనామ స్తోత్రం |
ఓం నమో వెంకటేశాయ🙏
శుభోదయం
శ్రీ వేంకటేశ ద్వాదశ నామ స్తోత్రం యొక్క భావం (అర్థము) క్రింది విధంగా ఉంటుంది. ప్రతి శ్లోకాన్ని విడివిడిగా తీసుకొని అర్థం చేద్దాం:
---
శ్లోక 1:
నారాయణో జగన్నాథో వారిజాసనవందితః |
స్వామిపుష్కరిణీవాసీ శంఖచక్రగదాధరః ||
భావం:
విశ్వాన్ని పోషించు నారాయణుడు, జగత్తు యొక్క అధిపతి అయిన వేంకటేశ్వరుడు, పద్మాసన స్థితుడైన బ్రహ్మ దేవుడి వందనలందుకునే వారు. తిరుమలలో ఉన్న పవిత్రమైన స్వామి పుష్కరిణి తీర్థంలో నివాసించేవారు. శంఖం, చక్రం, గదా ధరించి ఉన్న పరమాత్మ.
---
శ్లోక 2:
పీతాంబరధరో దేవో గరుడాసనశోభితః |
కందర్పకోటిలావణ్యః కమలాయతలోచనః ||
భావం:
పసుపు వర్ణపు వస్త్రాలు ధరించిన దేవుడు, గరుడునిపై ఆసీనుడై ప్రకాశిస్తూ ఉండే వేంకటేశ్వరుడు. కోటికి కోటి మధనదేవుని (కామదేవుడు) కన్నా అందంగా ఉన్నవాడు. కమలపు వలె ప్రకాశించే పెద్ద కన్నులు కలవాడు.
---
శ్లోక 3:
ఇందిరాపతిగోవిందః చంద్రసూర్యప్రభాకరః |
విశ్వాత్మా విశ్వలోకేశో జయ శ్రీవేంకటేశ్వరః ||
భావం:
శ్రీ మహాలక్ష్మీ దేవికి స్వామి అయిన ఇందిరాపతి, గోవిందుడు అని పిలవబడే దేవుడు. చంద్రుడికి, సూర్యుడికి ప్రకాశాన్ని ప్రసాదించే శక్తిని కలవాడు. అతడు జగత్తుని అంతర్ముఖంగా అధిష్టించే ఆత్మ (విశ్వాత్మ) మరియు జగత్‌ను పాలించే ప్రభువు (విశ్వలోకేశుడు). వేంకటేశ్వరుడికి విజయము కలుగుగాక!
---
శ్లోక 4:
ఏతద్ద్వాదశనామాని త్రిసంధ్యం యః పఠేన్నరః |
దారిద్ర్యదుఃఖనిర్ముక్తో ధనధాన్యసమృద్ధిమాన్ ||
భావం:
ఈ 12 నామాలను రోజుకు మూడుసార్లు (ఉదయం, మధ్యాహ్నం, సాయంత్రం) జపించు వ్యక్తి దారిద్ర్యం, దుఃఖం నుండి విముక్తి పొంది, ధనం, ధాన్యం లలో సంపన్నత పొందుతాడు.
---
శ్లోక 5:
జనవశ్యం రాజవశ్యం సర్వకామార్థసిద్ధిదమ్ |
దివ్యతేజః సమాప్నోతి దీర్ఘమాయుశ్చ విందతి ||
భావం:
ఈ స్తోత్రాన్ని జపించేవారికి జనుల మీద, రాజుల మీద కూడా ప్రభావం కలుగుతుంది. అన్ని కాంక్షించిన ఫలాలు సిద్ధిస్తాయి. దివ్యమైన తేజస్సు కలుగుతుంది. దీర్ఘాయుష్యము (దీర్ఘ జీవితం) కూడా లభిస్తుంది.
---
శ్లోక 6:
గ్రహరోగాదినాశం చ కామితార్థఫలప్రదమ్ |
ఇహ జన్మని సౌఖ్యం చ విష్ణుసాయుజ్యమాప్నుయాత్ ||
భావం:
గ్రహబాధలు, రోగాలు వంటి దుష్ఫలితాలు తొలగిపోతాయి. మనస్సులో ఉన్న కోరికలు నెరవేరతాయి. ఈ జన్మలో సుఖంగా జీవించగలడు. మరణానంతరం విష్ణు సాయుజ్యం (విష్ణువుతో ఏకత్వం) పొందుతాడు.
---
ముగింపు:
ఇతి బ్రహ్మాండపురాణే బ్రహ్మనారదసంవాదే శ్రీ వేంకటేశ ద్వాదశనామ స్తోత్రం
→ ఈ స్తోత్రం బ్రహ్మాండ పురాణంలో బ్రహ్మ మరియు నారద సంభాషణలో చెప్పబడినది.
---
మొత్తం భావసారము:
ఈ స్తోత్రం వేంకటేశ్వరుని 12 పవిత్ర నామాలను గానం చేయడం ద్వారా భక్తుడికి:
దారిద్ర్యం తొలగిపోతుంది
ఐశ్వర్యం, ఆరోగ్యం, శాంతి కలుగుతుంది
కోరికలు నెరవేరతాయి
దీర్ఘాయువు లభిస్తుంది
చివరికి విష్ణువు సాయుజ్యము పొందే అవకాశం ఉంటుంది
---
శ్రీ వెంకటేశ్వరాయ నమః(16)
సంతలే చొచ్చితిఁగాని సరకుఁ గాననైతి
పంతమే బట్టితిగాని మనసు పోరునైతి
సంతసం లేకయుగాని లలన తీరునైతి
వింతలే చూసితిగాని వినయ లేకనైతి
యింతట శ్రీహరి నీవే యిటు దయఁజూడవే ॥పల్లవి॥
కాంత చనుఁగొండలు కడకు నెక్కితిఁ గాని
యెంతైనా నీ మోక్షపుమెట్లు యెక్కలేనైతి
శాంతి చవిజుచితి సమయ సంతసి గాని
యేoతైనా నీ కర్మలబంధమధ్య లోనైతి
అంతట జవ్వనమనే అడవి చొచ్చితిఁ గాని
సంతతహరిభక్తెనే సంజీవి గాననైతి
పంతము జవ్వనమనే వయసు బొక్కితి గాని
ఎంతకు హరినామమే పల్కేందు గాననైతి
॥సంత॥
తెగి సంసారజలఁధిఁ దిరుగులాడితిఁ గాని
అగడై వైరాగ్యరత్న మది దేనైతి
చెడి సంపాదన నిధి కొరకు లాడితిగాని
వగలై సౌభాగ్య సంతసము నీడైతి
పొగరు జన్మాల రణభూములు చొచ్చితిఁగాని
పగటుఁ గామాదుల పగ సాధించనైతి
సెగల మాటల్లె సమరమ్మున చొచ్చితిగాని
పగలు మార్చే కళలను సాధించనైతి
॥సంత॥
తనువనియెడి కల్పతరువు యెక్కితిఁ గాని
కొన విజ్ఞానఫలము గోయలేనైతి
పనియని గతిగొప్పదని చేసితిగాని
ఘన సంపాదన కల పొందనే నైతి
ఘనుఁడ శ్రీవేంకటేశ కమ్మర నీకృపచేతఁ
దనిసి యేవిధులనుఁ దట్టువడనైతి
ఘనుడ శ్రీవేంకటేశ కమ్మర నీదయచేత
అలసి పోతి పలుకు రాక గతి నైతి
॥సంత॥
****
శ్రీ వెంకటేశ్వరాయనమః (17)
తప్పు చేసి దొరికి తలదించుకొన్నా
ఊరడించు వచ్చి ఊయలెక్క కొన్నా
అప్పు తీర్చలేక యవమానపడు చున్నా
చేరదీయడెవడు చిత్త మన్నా
బాధతో యిది ఏమి లోకమన్నా చూస్తూ వున్నావేమన్నా వేంకటేశ్వరా
నాది నాదంటు ఆశపడుతున్నా
చేదు తీపంటు కారమవుతున్నా
అంతులేనిమోహాన మురుస్తున్నా
సంతసమ్ముమూలాన మెరుస్తున్సా
బాధతో యిది ఏమి లోకమన్నా చూస్తూ వున్నావేమన్నా వేంకటేశ్వరా
నావాళ్ళు నావాళ్ళని వెంపర్లాడుతున్నా
మితిమీరి మమకారాన్ని కురిపిస్తున్నా
ఏదీ నీది కాదు అంతా మాయల తీరున్నా
ఎవరూ నీవారు కారు అందరూ మాయకు చిక్కారన్నా
బాధతో యిది ఏమి లోకమన్నా చూస్తూ వున్నావేమన్నా వేంకటేశ్వరా
భ్రమలువీడి సత్యము తెలుసుకున్నా
భ్రాంతిమాని వాస్తవము ఎరుగ లేకున్నా
బాధతో యిది ఏమి లోకమన్నా చూస్తూ వున్నావేమన్నా వేంకటేశ్వరా
చేసిన మంచే నీది యని వెంట వున్నా
నీ ఆస్తి తెలుసు కున్నా
సలిపిన పుణ్యాలే నీతో వున్నా
నీ వాళ్లు తెలుసు లే కున్నా
బాధతో యిది ఏమి లోకమన్నా చూస్తూ వున్నావేమన్నా వేంకటేశ్వరా
******
.ఓం నమో . వేంకటేశాయనమః ...(18)
మనసు ఎవరి కెరుక మగువచుట్టూ తిర్గ
క్షణము నోర్వ లేక క్షామ మేల
కణము కదలికయే కళలు తీరుగనులే
తనువు తాప మొంద తాడ లేను..... వేంకటేశా...
మనసునిష్ట పడక మహినెంత చేసిన
కార్య ఫలితమేది కలసి రాదు
తనువు కష్టపడక తపనెంత చెందిన
చేరరాదు జయము చిత్త మాయ... వేంకటేశా....
అణకువ అలక చెర ఆటపట్టు యగుట
మనుగడ మది మరక మాయ చురక
వినదగు పలకులగు వివరింప బ్రతుకునా
వణకు వలపు మధ్య వరద పొంగు.. వేంకటేశా...
ఘనమగు దరి చేర కాంచన చేలముల్
ధనము నీడ నుండ ధర్మ మగుట
స్పర్శ యొకటి చాలు శాంతపడు మనస్సు
నిబ్బరమ్ము కల్గు నెల్లరకును.. వేంకటేశా...
పలకరింపు చాలు ప్రతి హృదయమ్ములో
బాధలన్ని తొలగు భాగ్య సాధు
చెదరక నిలబడిన జీవన గమనాన
ఉన్నతుడవు నీవు ఉంచ నివ్వు... వేంకటేశా
****
#everyonehighlights
No comments:
Post a Comment